Ирска го одложи отворањето на пабовите

Google+ Pinterest LinkedIn Tumblr +

Владата на Ирска објави дека го одложува планираното отворање на пабовите во Даблин и дека воведува нови ограничувања на семејните собири поради зголемувањето на бројот на случаи на ковид-19.

По воведувањето на мерките за ограничување на движењето во март, Ирска забележа 1.784 смртни случаи од 31.192 заболени, а кон крајот на јуни ги отвори само рестораните. Претходно најавеното отворање на пабовите сега е одложено за 21 септември.

Според новите мерки, дозволени се средби помеѓу две семејства, најмногу шест лица на отворено и во затворен простор.

Жителите на Даблин се повикуваат да го ограничат патувањето надвор од главниот град.

– Ситуацијата во нашиот главен град е загрижувачка и се влоши во последните неколку недели. Ако ова продолжи, ќе стане невозможно да се задржи вирусот надвор од болниците, домовите за стари лица и фабриките – објавија локалните власти.

Сподели.