Еве колкави се шансите да се заразите со коронавирус откако сте се вакцинирале

Google+ Pinterest LinkedIn Tumblr +

Вакцината против COVID-19 е една од главните алатки кои помагаат во борбата против пандемијата на коронавирус, но ниту една вакцина не е 100% ефикасна. Ова значи дека некои луѓе можат да се заразат со коронавирус дури и ако биле вакцинирани.

Ново истражување ги анализираше шансите за заразување по вакцинирањето, а резултатите покажаа дека вакцините сепак добро функционираат. Студија објавена неделава стручното списание New England Journal of Medicine покажа колку ретко може да се случи некој да се зарази откако ќе биде целосно вакциниран, односно откако ќе добие две дози од вакцината.

Истражувачите испитале повеќе од 28.000 здравствени работници во Калифорнија кои биле целосно вакцинирани. Само седум, или 0,02%, биле позитивни на COVID-19 повеќе од две недели по примањето на втората доза на вакцината на Moderna или Pfizer.

Лицата кои биле позитивни по вакцинирањето имале само благи симптоми на болеста или биле асимптоматски носители. Д-р Дејвид Вол, специјалист за инфективни болести на Медицинскиот факултет на Универзитетот во Северна Каролина, рече дека резултатите се извонредни.

Пад на бројот на случаите има откако помина повеќе време од приемот на првата, а потоа и на втората доза на вакцината. Вкупно 145 случаи се пријавени во првите седум дена од првата доза.

„Бројот на заразени се намалуваше“, рече Вол.

Авторите на студијата истакнуваат дека резултатите се охрабрувачки и дека „тие сугерираат дека ефективноста на овие вакцини се одржува и надвор од испитувањата“. Но, тие сепак бараат придржување кон епидемиолошките мерки сè додека не се постигне колективен имунитет.

Вол посочува дека треба да се внимава особено поради појавата на нови варијанти на вирусот, бидејќи тие можат да ги нарушат претходните напори за борба против епидемијата. Затоа Вол ја охрабрува вакцинацијата бидејќи „вакцините што сега ги имаме, исто така, штитат од новите варијанти, до одреден степен“.

Сподели.