30 дена притвор и три кривични за жител на тетовски Пирок

Google+ Pinterest LinkedIn Tumblr +

Судија во претходна постапка му одредил мерка притвор од 30 денови, а полицијата поднесе три кривични пријави за 33-годишниот М.А од Пирок кој ноќеска беше приведен поради повредување  полицаец, оштетување полициски возила и наплатна рампа на патарина. Триесет и тригодишникот беше уапсен ноќеска околу полноќ во тетовско Сиричино.

-Попладнево судија во претходна постапка му одреди притвор во времетраење од 30 денови. За осомничениот се поднесени кривичини пријави според член 292 од Кривичниот законик за тешки дела против општа сигурност, а во врска со член 288 предизвикување општа опасност, како и според член 206-непостапување според здравствени прописи за време на епидемија. М.А (33) потоа е спроведен во КПУ Затвор Скопје за издржување на мерката притвор, информира портпаролот на СВР Тетово, Марјан Јосифоски.

Вчера за време на полицискипт час тој со возило не застанал на полициска контрола во Топлица и Врапчиште. Притоа удрил и повредил полицаец. Продолжил да бега по автопатот Гостивар-Тетово каде оштетил една наплатната рампа.  На локалниот пат за Сиричино удрил и оштетил и две службени возила на МВР.  Таму во знак на предупредување да застане, полициските службеници испукале неколку проектили, по што е лишен од слобода.

Сподели.